புதுமனைப் புகு விழாவிற்கு அன்போடு அழைக்கிறோம்! அறுபத்து ஆறு வயதில் தந்தைக்கு முதல் காதல் துளிர்விட இருக்கிறது! அறுபத்து மூன்று வயதில் தாய்க்கு முதல் காதல் மகிழ்ச்சியூட்ட இருக்கிறது… எனக்கோ முப்பத்து ஏழு வயதில் முதற்காதல் மொட்டவிழப் போகிறது… ஆம், இவ்வயதுகளில் முதன் முறையாகச் செங்கற்கள் மீது காதல் கொண்டு சொந்த வீட்டில் குடியேற இருக்கிறோம்! பெற்றோரும், மனைவியும், நானும், இரண்டு குட்டித் தேவதைகளும் பல கனவுகளைச் சுமந்துகொண்டு உற்சாகத்தோடு நுழையக் காத்திருக்கிறோம். முப்பத்து ஏழு ஆண்டுகளாக வாடகை வீட்டிலேயே குடியிருந்திருந்தாலும், சொந்த வீட்டில் ...
இதுவரை நான் வாழ்ந்த அனைத்து வாடகை வீடுகளுக்கும் கடந்த வாரம் சென்றுவிட்டு தான் வந்தேன்! அதற்கான காரணமும் இருக்கிறது. பிறந்த சில மாதங்களிலிருந்து ஐந்தாம் வகுப்பு வரை வாழ்ந்த சேலம் அரிசிப்பாளையம் பகுதி வாடகை வீடு என்றுமே ஸ்பெஷல்! புகைப்படத்தில் இருக்கும் பகுதியில் தான் எனது பெரும்பாலான குழந்தைப் பருவம் கழிந்தது! 90’ஸ் கிட்ஸ்: 90’ஸ் கிட்ஸ்களின் ஸ்பெஷலான ஐஸ் வண்டிகள்… சிறுவர் குழு விளையாட்டுகள்… நிலாச் சோறு… மாடியின் அடைப்பை அடைத்து மழை நீரைத் தேங்கவிட்டு நீரில் விளையாடுவது… தெருமுனையில் வெண் திரையில் ...